Lookout bulletin laban sa may-ari ng eroplanong bumagsak sa paranaque

Nakatakdang magpalabas ang bureau of immigration ng 'lookout bulletin' laban sa may-ari ng bumagsak na eroplano sa paranaque nuong sabado.

Ayon sa mga opisyal ng immigration, maari silang magpalabas ng 'lookout bulletin' kay art velazquez, ang sinasabing may ari ng bumagsak na beechcraft light cargo plane at ikinasawi ng 13 katao, kabilang na ang piloto nito.

Ayon, sa impormasyon, nakatakdang lumiham ang mga opisyal ng civil aviation authority of the philipines kay bi comm ricardo david upang mailagay sa lookout bulletin si velasquez.

Ang lookout bulletin ay hindi nagbibigay pahintulot sa mga immigration officer sa NAIA na pigilan sumakay ang1 pasahero, kundi ipagbibigay alam lamang ng kawanihan sa mga otoridad na ang taong nasa lookout ay nakatakdang umalis ng bansa.