2 APO NIRAPE M. Cabral ISANG 67 ANYOS NA LOLO ANG INARESTO  MAKARAANG GAHASAIN NITO ANG DALAWANG MENOR DE EDAD NA  APO  SA KANILANG BAHAY SA BANI, PANGASINAN. BATAY SA REKLAMO NG MGA BIKTIMANG SINA  EMMA, 15, AT JOSIE,17,  MALAYANG  NAGAWA NG  SUSPECT NA SI ANASTACIO PASCUAL ANG PANGHAHALAY SA KANILA   DAHIL  ITO LAMANG  ANG  KASAMA NILA SA BAHAY  DAHIL NAGTATRABAHO SA MAYNILA ANG KANILANG MGA MAGULANG. AYON SA PANGANAY NA SI JOSIE, NOONG NAKARAANG TAON NANG SIMULAN SIYANG RAPE-PIN NG KANYANG LOLO  AT ANG KAHAYUPAN NG SUSPECT AY NAGBUNGA . INAMIN NI JOSIE NA  5 BUWANG NA SIYANG BUNTIS  AT TATAHIMIK NA LAMANG SANA SIYA KUNG HINDI NIYA NAKITA ANG  KAPATID NA SI EMMA  NA NIRE-RAPE DIN NI LOLO ANASTACIO KAMAKALAWA NG GABI. NAPILITANG ANG MAGKAPATID NA HUMINGI NG TULONG SA PULISYA AT NANG MAARESTO, IKINATUWIRAN NG MATANDANG MANIAC NA GINUSTO NAMAN DAW NG KANYANG MGA APO ANG NANGYARI. CORONA HAHARAP SA MARTES M. Cabral HAHARAP NA SA IMPEACHMENT COURT SI CHIEF JUSTICE RENATO CORONA SA MARTES, MAY 22, NA AYON SA PROSECUTION AY  MAGIGING BLOCKBUSTER KAYSA SA INAABANGANG LABAN NI MANNY PACQUIAO KAY TIM BRADLEY SA SUSUNOD NA BUWAN. NAPAGKASUNDUAN NG MGA ABOGADO NI CORONA AT SENATE PRESIDENT JUAN PONCE ENRILE NA IHARAP NA SI CORONA  SA IMPEACHMENT COURT BILANG HULING TESTIGO NG DEPENSA. AYON KAY DEFENSE LEAD COUNSEL SERAFIN CUEVAS, MAYROON PA SANA SILANG  ILANG TESTIGO SUBALIT  HINDI NA NILA IHAHARAP  DAHIL IRRELEVANT  NAMAN SA KASO KAYA ANG PUNONG MAHISTRADO NA ANG KANILANG IUUPO SA WITNESS STAND. SINABI NI CUEVAS NA NAKUMPLETO NA NILA  ANG PRESENTASYON SA APAT NA HOSTILE WITNESSES, KABILANG SI OMBUDSMAN CONCHITA CARPIO MORALES  NA NAGBIGAY NG "DAMAGING" NA TESTIMONYA KUNG SAAN IDINETALYE NITO ANG MGA DOLLAR ACCOUNTS NI CORONA  SA IBAT IBANG BANGKO NA NAKUHA NITO SA ANTI-MONEY LAUNDERING COUNCIL. DAHIL SI CORONA NA ANG HULING TESTIGONG IHAHARAP NG DEPENSA,  HINDI MAGKAKAROON NG IMPEACHMENT TRIAL NGAYONG HUWEBES AT SA LUNES. PNOY, OBAMA MAGKIKITA SA JUNE M. Cabral ITINAKDA  SA DARATING NA BUWAN NG HUNYO ANG UNANG PRESIDENTIAL VISIT NI PANGULONG NOYNOY AQUINO  SA ESTADOS UNIDOS. SINIMULAN NA NG PHILIPPINE CONSULATE SA LOS ANGELES ANG PAGHAHANDA PARA SA GAGAWING PAGBISITA NG PANGULO SA AMERIKA  SA JUNE 5 HANGGANG JUNE 6. AYON KAY  CONSUL GENERAL MARY JO BERNARDO ARAGON, PATULOY ANG KANILANG PAKIKIPAG-UGNAYAN SA  WASHINGTON DC AT SA FILIPINO-AMERICAN COMMUNITY AT BUSINESS INVESTORS KAUGNAY  SA GAGAWING STATE VISIT NI AQUINO SA US. MULA SA LOS ANGELES, TUTULOY SI PNOY SA WASHINGTON KUNG SAAN SILA MAGKIKITA NI US PRESIDENT BARRACK OBAMA. BAGO ANG PAGBISITA NI AQUINO, MAUUNA SI VICE PRESIDENT JOJO BINAY  NA TUTUNGO SA LOS ANGELES  PARA SA ADVANCE INDEPENDENCE  DAY CELEBRATION SA JUNE 2. BUS ACCIDENT M. Cabral ISA NA NAMANG BUS ANG NASANGKOT SA AKSIDENTE NA IKINASAWI  NG  MAG-INA AT PAGKASUGAT  NG 26 NA IBA PANG PASAHERO NANG  MAHULOG ANG BUS  SA MALALIM NA KANAL SA  KAHABAAN NG STAR TOLLWAY SA SAN JOSE, BATANGAS, KAHAPON NG UMAGA. ANG MGA NASAWI  AY SINA RITA MAPACPAC SUEGE, 27, AT ANG KANYANG DALAWANG TAONG GULANG NA ANAK NA SI  ELIJAH EMMANUEL SUEGE NG PINAMALAYAN, ORIENTAL MINDORO. PATUNGO SANANG BATANGAS PIER MULA SA MAYNILA ANG RORO BUS  NANG MAGANAP ANG AKSIDENTE  DAKONG ALAS-8:20 NG UMAGA. AYON SA ILANG PASAHERO, NAKATULOG  ANG DRIVER NG BUS NA SI LEO BORILLA  DAHIL SA HABA NG BIYAHE  KAYA HINDI NITO  NAKITA ANG KANAL NA MAY KALAHATING METRO ANG LALIM. POSIBLENG LALO PANG BUMIGAT ANG KASONG KAKAHARAPIN NG DRIVER DAHIL TUMAKAS ITO MATAPOS ANG AKSIDENTE. MAGKAPATID NA REYES NASA INTERPOL WANTED LIST NA M. Cabral INILAGAY NA NG NATIONAL BUREAU OF INVESTIGATION  SA WANTED LIST NG INTERPOL ANG MAGKAPATID NA SINA DATING PALAWAN GOVERNOR JOEL REYES AT CORON MAYOR MARIO REYES. ANG MAGKAPATID AY KAPWA AKUSADO SA PAGPATAY KAY RADIO BROADCASTER AT ENVIRONMENTAL ACTIVIST  GERADO "DOC GERRY" ORTEGA NOONG ENERO 2011. INILAGAY NG NBI SA WANTED LIST ANG DALAWA  MAKARAANG MABIGO NA SUMUKO MATAPOS MAGPALABAS NG WARRANTS OF ARREST ANG PUERTO PRINCESA REGIONAL TRIAL COURT. NAGTAGO ANG MAGKAPATID  NOONG MARSO MATAPOS MAKAKITA NG PROBABLE CAUSE ANG DEPARTMENT OF JUSTICE  PARA IDIIN SILA SA PAGPATAY KAY ORTEGA. ANG RED NOTICE LIST  AY DIRECTORY NG INTERPOL SA MGA MOST WANTED SA BUONG MUNDO.    ANG HAKBANG AY GINAWA NG NBI BATAY SA KAHILINGAN NG PAMILYA NI ORTEGA  MATAPOS MABATID NA ILEGAL NA NAKALABAS NG BANSA ANG MAGKAPATID NA REYES UPANG TAKASAN ANG KASO. WESTERN RAINS M. Cabral KINUMPIRMA NG PAG-ASA NA PAPASOK NA ANG PANAHON NG TAG-ULAN. PALIWANAG NI  PAG-ASA FORECASTER ALDCZAR  AURELIO,  ANG NARARANASANG MADALAS NA PAG-ULAN AT HUMINANG EPEKTO NG HIGH PRESSURE  AREA SA BANSA AY PALATANDAAN NA PAPALAPIT NA ANG RAINY SEASON. AYON KAY AURELIO, ANG TROUGH OF A LOW PRESSURE AREA  SA KANLURAN NG NORTHERN AT CENTRAL LUZON ANG MAGDADALA NG MGA PAG-ULAN SA WESTERN SECTION NG HILAGA AT GITNANG LUZON, KASAMA NA ANG DULONG HILAGANG LUZON AT PALAWAN. SINABI NI AURELIO NA ULAN DIN ANG DALA  NG INTERTROPICAL CONVERGENCE ZONE  SA MALAKING BAHAGI NG MINDANAO. GAYUNPAMAN, ASAHAN PA RIN ANG MAINIT NA PANAHON SA METRO MANILA SA BANDANG UMAGA NGUNIT MAY PAG-UULAP NG PAPAWIRIN AT PULO-PULONG PAG-AMBON SA DAKONG HAPON O GABI. GRACE LEE-KAIBIGAN PA RIN PNoy M. Cabral "MAGKAIBIGAN KAMI." GANITO INILARAWAN NI PANGULONG NOYNOY AQUINO ANG RELASYON NIYA NGAYON KAY KOREAN TV HOST GRACE LEE SA HARAP NG MGA RUMORS NA BREAK NA SILA. ITO ANG KAUNA-UNAHANG PAGKAKATAON NA NAGBIGAY NG PAHAYAG ANG PANGULO HINGGIL SA STATUS  NG RELASYON NILA NI GRACE . TUMANGGI NA  RIN SI AQUINO NA  PAHABAIN PA ANG KANYANG KOMENTO SA ISYU MALIBAN SA PAGSASABING  "MAGKAIBIGAN KAMI." BAGO NAPABALITA ANG UMANOY SPLIT-UP NG DALAWA NOONG NAKARAANG BUWAN, SI GRACE ANG MADALAS KA-DATE NI PNOY.  NAMATAAN ANG DALAWA  NA NANOOD NG CONCERT  NG BRAZILIAN  OSCAR-WINNING SINGER NA SI SERGIO MENDEZ NGUNIT AYON SA SOURCE, HIWALAY NA  ANG DALAWA  AT NAIPANGAKO LANG NI AQUINO KAY LEE ANG NASABING CONCERT  AT TINUPAD LAMANG NIYA ITO. NAHIWATIGAN LANG SA PANGULO NA WALA NA SILA NI GRACE LEE SA DALAWANG OKASYON NA DINALUHAN NITO, ANG HULI AY SA NATIONAL TRANSPORT CONFERENCE SA MARIKINA CITY KUNG SAAN  SINABI NI AQUINO NA PAPASOK NA LAMANG SIYA SA PAGPAPARI  MATAPOS ANG KANYANG TERMINO SA 2016. SA NGAYON, MAY IBA NA UMANONG NAPUPUSUAN AT IDINE-DATE ANG BINATANG PRESIDENTE.